Мэргэжлийн Хөтөч Тайлбарлагчдын Холбоо

99168741, 86180226

©2019 by Mongolian Professional Tour Guides Association.

Товч түүх

“Мэргэжлийн  Хөтөч Тайлбарлагчдын Холбоо” нь  /МХТХолбоо/ 2003 онд  “Аялал Жуулчлалын Хөтөч Тайлбарлагчдын Холбоо”  нэртэйгээр үйл ажиллагаагаа эхэлсэн ба 2016 оны 1 сарын 11-ээс “Мэргэжлийн Хөтөч Тайлбарлагчдын Холбоо” болгон байгууллагын нэрд өөрчлөлт оруулсан бөгөөд одоог хүртэл гишүүддээ үйлчилдэг төрийн бус байгууллагын статустайгаар 16 дахь жилдээ үйл ажиллагаагаа явуулж байна. МХТХ нь өөрийн үндсэн 20 сургагч багш, орон тооны байнгын 4 ажилтантай өдөр тутмын үйл ажиллагаагаа явуулдаг.

 

Үүсгэн байгуулагчид

2003 онд “Дэлхийн Аяллын Хөтөч Тайлбарлагчдын Холбоодын Нийгэмлэг”-ийн албан ёсны сургалтанд хамрагдаж, үндэсний сургагч багш болсон гишүүдээс Т.Баянжаргалан, Б.Ишбалжир, Х.Сугараа, О.Тулга, Д.Ариунаа, А.Батбаяр, А.Бямбадорж, М.Нарангэрэл нар “Мэргэжлийн Хөтөч Тайлбарлагчдын Холбоо”-ны үүсгэн байгуулагчид бөгөөд одоо 2018 онд “Дэлхийн Аяллын Хөтөч Тайлбарлагчдын Холбоодын Нийгэмлэг”-ийн хоёр дахь удаагийн сургалтаар төгссөн багш нартай хамтран холбооны үйл ажиллагааг явуулж байна.

 

Удирдах зөвлөл

МХТХ-ны УЗ нь бүх гишүүдийн хурлаар 3 жилд нэг удаа сонгогддог, МХТХ-ний удирдлагын баг юм. Өөрсдийн мэргэжлийн төлөөх, аяллын хөтөч тайлбарлагчдын эрх ашгийг хамгаалах ариун үйлсэд нэгдэх үүд хаалга үргэлж нээлттэй байх болно.

 

Ажлын хэсэг

МХТХ-ны ажлын хэсэг нь МХТХ-ны гишүүд хамтран байгуулсан багууд юм. Баг бүр МХТХ-ний зорилгодоо хүрэх үйл ажиллагааг дэмжиж, богино хугацааны төслүүд дээр ажилладаг. 2019 оны эцсийн байдлаар МХТХ-нд сургалтын, маркетингийн, санхүүгийн, эвентийн багууд байгуулагдан ажиллаж байна.

 

СУРГАГЧ БАГШ НАР

МХТХ-ООС ЗОХИОН БАЙГУУЛДАГ СУРГАЛТУУДАД МЭРГЭШСЭН ҮНДЭСНИЙ СУРГАГЧ БАГШ НАР БАГШИЛДАГ. СУРГАГЧ БАГШ НАР БҮГДЭЭРЭЭ САЛБАРТАА ОЛОН ЖИЛ АЖИЛЛАСАН ТУРШЛАГАТАЙ, СУРАЛЦАГЧИДДАА ХҮРЧ ТЭДЭНД ТУСЛАХ ЧИН ХҮСЭЛТЭЙ ХҮМҮҮС БАЙДАГ.

 

Б.Аабат

Сургагч багш, ХЗ-ийн гишүүн

Чингис хааны хүрээ бааз дээр жуулчин нэг хөшөөг зааж энэ хэн бэ гэж асуухаар нь холоос хартал эмэгтэй хүн шиг санагдсан тул Өүлэн ижий гэж хэлтэл манай жуулчин очиж хараад танай Чингис хааны ээж сахалтай эмэгтэй байсан бололтой хэмээн хөхрөлдөж билээ.

Д. Ариунаа

Хүндэт гишүүн

1992 оноос хойш салбартаа ажиллаж байна. Мэргэжлийн Хөтөч Тайлбарлагчдын Холбооны үүсгэн байгуулагчдын нэг.

Д.Бадрах

Сургагч багш. УЗ-ийн гишүүн

Гадаадын хүмүүст эх орныхоо сайхан байгаль, зан заншлын талаар мэргэжлийн тайлбар, үйлчилгээ үзүүлдэг хөтөч болохын тулд "зөвхөн хэл сайтай байх хангалтгүй" юм байна гэдгийг л хатуу ухаарч авснаа их юм гэж боддог юм.

А. Батбаяр

Хүндэт гишүүн

Тэртээ 90-ээд оны дунд үед оюутан байхад англи хэлийг л сурчихвал цаашдын ажил амьдрал болчих юм шиг санагддаг байсан цаг. Тэр бодолдоо хөтлөгдөн хэлний мэдлэгээ сайжруулах зорилгоор гадныханд орчуулагч хийн хөдөө гадаа явдаг болсон. Одоо бодоход англи хэлтэй хүнтэй л харьцаж байвал хэнтэй, хаашаа явах, ямар цалин хөлс авах нь хамаагүй байжээ. Харин 2000 онд хөтөч тайлбарлагчийн албан ёсны сургалтанд хамрагдсанаар илүү олон төрлийн аялалд хөтчөөр ажиллах боломжтой болж Монгол орныхоо олон сайхан газраар аялсан. Ингэж явахдаа манай улсын аялал жуулчлал арвин их нөөц боломжтой, ирээдүйтэй салбар, жинхэнэ “ногоон” экспорт гэдгийг ойлгосон.

Batsuren.jpg

Ж.Батсүрэн

Сургагч багш

Хувь хүн талаасаа би өөрөө спортод дуртай, аливаа адал явдалд татагддаг болоод ч тэр үү идэвхитэй адал явдалт аяллуудыг дагнан зохион байгуулдаг “Монголиа Экспедишнз” компанид 2012 оны зунаас эхлэн уулын дугуй, уулын явган, ууланд авирах, морьтой, автомашинтай гэх мэт олон төрлийн хээрийн аяллуудын хөтөч хийж эхэлсэн.

Т.Баянжаргалан

Хүндэт гишүүн

МХТХ-ны үүсгэн байгуулагч, багш.

А.Бямбадорж

Хүндэт гишүүн

Муу баг гэж байдаггүй. Зөвхөн муу ахлагч л гэж байдаг!

Я.Гантөмөр

Сургагч багш

2001 оноос “Жуулчин”, “Монголиа Треккин” компаны аяллын хөтөч тайлбарлагчаар ажиллаж  гараагаа эхэлсэн.
2001-2007 онд “Happy Camel “ компанид  аяллын хөтөч тайлбарлагч , менежер , захирал
2007 оноос одоог хүртэл “Intrepid Travel”, “Peak Adventure”, “Bike Asia” зэрэг олон улсын аяллын компаний аяллын ахлагчаар ажиллаж байна.

Дамидаа (Д.Эрдэнэсүрэн)

Сургагч багш, ХЗ-ийн гишүүн

Агаарын гимнастикийн Жүжигчин, МУИС-худалдааны сургуулийн НББ/бизнесийн удирдлагийн баклавр, Олон улсад багшлах эрхтэй Иогийн багш, Дэлхийн аяллын хөтөч тайлбарлагчдын холбоодын нийгэмлэгээс итгэмжлэгдсэн сургагч багш

Б. Дуламсүрэн

Сургагч багш, УЗ-ийн гишүүн

Гэртээ ном уншдаг. Нийллэгэнд гараад найзуудаасаа суралцдаг. Жуулчдыг бол сайн яриулдаг. Багшлахдаа оюутнуудаасаа сурдаг. Жолооч нараараа башир арга заалгадаг. Гэхдээ шүүмжлэлээс хамгийн их юм ойлгодог.

Б.Ишбалжир

Хүндэт гишүүн

Анх ХТ болсон жилээ нэгэн жуулчин тахианы цээж мах буюу “white chicken” идмээр байна гэснийг нь шууд цагаан тахиа гэж ойлгоод тахианы гуя махыг “энэ цагаан өнгөтэй тахиа байсан юмаа” гээд өгч байж билээ.

М.Мөнгөнцэцэг

Сургагч багш

Би ер нь хөгжилтэй байх дуртай. Гэхдээ хошин шогийн жүжигчдийн дайнд хүрэхгүй бас “3 саяын инээд” нэвтрүүлэгт ч орж үзээгүй.  За тэгээд надтай хамт байвал бага ч гэсэн хөгжилтэй хүн гэдгийг мэдэрнэ дээ.

Б. Мөнхбат

Сургагч багш, Гүйцэтгэх захирал

Аяллын Хөтөч Тайлбарлагчаар 2005 оноос хойш ажиллаж байна.  Аялагч маань аяллын сүүлд “Мөөгий чамгүйгээр энэ аялал ямар байх байсныг таашгүй” гэж хэлээд тэврэх тэр мөч хамгийн сайхан.

Б.Мөнхнаран

Сургагч багш, УЗ-ийн гишүүн

“Чи чадна гэж бодож байвал чи чадна, чиний зөв!
Чи чадахгүй гэж бодож байвал бас л чиний зөв, чи чадахгүй !” гэдэг үг л их хурцалдаг даа.
Бусдаар хаа сайгүй өөрийгөө хэрхэн хөгжүүлэх зөвлөмж дүүрэн байгаа.

М. Нарангэрэл

Хүндэт гишүүн

Энэ салбарт хувь хүн үргэлж өөрийгөө хөгжүүлж, харилцаа хандлагаа зөв төлөвшүүлэх, олон орны хүмүүстэй байнга ажиллаж тэдэнд өөрийн эх орноо төлөөлөх эрхэм хүндтэй үүрэг ноогддог гэдгийг ойлгож ажилдаа дуртай болсон.

Э.Орхон

Сургагч багш, Ерөнхийлөгч

Жуулчдын хувьд анхны сэтгэгдэл маш чухал тул биед болон аялалд зохицохуйц хувцаслалт их чухал байдаг. Миний хувьд эхний өдөр заавал Монгол үндэсний хувцасаа өмсөн, жуулчидаа угтан авдаг. Өв соёлоороо бахархахыг өөрөөсөө эхлэх нь чухал гэж боддог.

Х.Сугар

Хүндэт гишүүн

1998 онд хөтөч тайлбарлагчаар ажиллаж эхэлсэн. Олон үндэстний хүмүүстэй уулзаж үзэл бодлоо хуваалцах, эх орныхоо үзэсгэлэнт газруудаар аялах, сурталчилах нь энэ ажлын хамгийн сайхан нь ба залуу үеийнхэнд үүнийг зөвөөр ойлгуулах, өөрийгөө хөгжүүлэхэд туслахад маш их баяртай байдаг.

О.Тулга

Хүндэт гишүүн

Ажигла, унш, ойлго, суралц, хөгжүүл! Өөрийгөө маш сайн боллоо гэж хэзээ ч бүү бод. Аливаа том, жижиг амжилтанд ханаж огт болохгүй.

Д. Урантуяа

Сургагч багш

Монгол орныхоо тухай салбар тус бүрийн мэдлэг мэдээллийг цаг тухайд нь ном , товхимлуудаас уншиж судлан, мэргэжлийн судлаачдын сургалт лекцүүдэд тогтмол оролцон, жижиг гэлтгүй юмсын талаар сонирхож судалж байх нь бидний ажил мэргэжлийг илүү сонирхолтой болгож, мэдлэгийн санг тэлж байдаг гэж боддог.

Б. Энх-Амар

Сургагч багш, УЗ-ийн гишүүн

Бас гадаад, дотоод аль ч хүн миний үсний талаар “хэдэн жил ургуулсан?”, "сард хэдэн шампунь хэрэглэдэг?" гэж асуухад унтаж байгаад ч хариулж чадах хэдэн блиц хариулттай. Ажлаа хийж, шинээр олон хүнтэй харилцах явцад өдөрт энэ асуултад бараг 10 удаа хариулах үе ч бий.